ڈرائیور 40 ڈبوں شراب سمیت گرفتار، ایک فرار 

وکاس نگر۔ کوتوالی وکاس نگر پولس نے ہماچل کی سرحد سے ملحق کلہل سرحد پر ایک لوڈر سے انگریزی شراب کے چالیس ڈبے برآمد کیے ہیں۔ پولیس نے موقع سے ایک ملزم کو گرفتار کر لیا ہے۔ جبکہ ایک ملزم پولیس کو چکمہ دے کر موقع سے فرار ہو گیا۔ پولیس نے دونوں ملزمان کے خلاف ایکسائز ایکٹ کے تحت مقدمہ درج کرکے لوڈر قبضے میں لے لیا ہے۔
اسمبلی انتخابات کے پیش نظر کوتوالی پولس بین ریاستی سرحدوں پر مسلسل کڑی نظر رکھے ہوئے ہے۔ منشیات کی سمگلنگ کے حوالے سے الرٹ پولیس کی ٹیم کلہال پوسٹ پر گاڑیوں کی مسلسل تلاشی لے رہی ہے۔ اس دوران پولیس نے ہماچل کے پاونٹا طرف سے آنے والے ایک لوڈر کو پکڑ لیا۔ جب پولیس نے لوڈر کی تلاشی لی تو اس میں چندی گڑھ اور ہریانہ مارک کی مختلف برانڈ کی انگلش شراب کے چالیس ڈبے برآمد ہوئے۔ پولیس نے ایک ملزم شہید ولد علی حسن ساکن گائوں کنجا ماتریلو تھانہ پورو والا ضلع سرمور ہماچل پردیش کو موقع سے گرفتار کیا۔ لیکن اس دوران دوسرا ملزم سونو ساکن کرپال شیلا گوردوارہ پاونٹا صاحب ہماچل پردیش موقع پر ہی پولیس کو چکمہ دے کر فرار ہوگیا۔ کوتوال رویندر شاہ نے بتایا کہ پولیس نے دونوں ملزمان کے خلاف ایکسائز ایکٹ کے تحت مقدمہ درج کرکے لوڈر کو قبضے میں لے لیا ہے۔ پولیس ٹیم میں ایس ایس آئی منوج نینوال، چوکی انچارج کلہال رجنیش کمار سینی، کانسٹیبل منجیت لیکھوار، مونو کمار، وجے، راجیش، ایکسائز کانسٹیبل وکاس راوت شامل تھے۔